მენეჯმენტი

კომპანიის რეპუტაციას  განსაზღვრავს მისი მომსახურე პერსონალის კვალიფიკაცია. კლიენტთან ურთიერთობაში უმეტესად პირველი შთაბეჭდილებაა გადამწყვეტი. გთავაზობთ ტრენინგს ფრონტ-ოფისის, ბექ-ოფისის, გაყიდვების, დასუფთავების სამსახურის თანამშრომლებისთვის, ოფისმენეჯერებითვის, სუპერვაიზერებისა და ყველა დაინტერესებული პირისთვის.

საუკეთესო შეთავაზება თქვენთვის –  13%-იანი ფასდაკლება მხოლოდ კორპორატიული კლიენტებისთვის. გადაამზადეთ პერსონალი და იყავით დარწმუნებული, რომ თქვენ მხოლოდ მადლიერი და ერთგული კლიენტები გეყოლებათ.

ტრენინგს უძღვება:  სერტიფიცირებული ტრენერი – ნატალია მაისურაძე, რომელსაც აქვს პერსონალის გადამზადების მრავალპროფილიანი გამოცდილება და ტრენერად მუშაობის 5 წლიანი სტაჟი.

მინიმალურ დროში მაქსიმალური ინფორმაცია ტურიზმით დაინტერესებულ პირებს! ტრენინგის განმავლობაში გეძლევათ უნიკალური შემოთავაზება-გაეცნოთ ტურიზმის საქმიანობის სპეციფიკას; დაეუფლოთ ტურ-ოპერატორებისა და გიდებისათვის საჭირო პროფესიულ ასპექტებს; გაეცნოთ ტურიზმის სახეებს.

კურსს უძღვება ამ სფეროში მრავალფეროვანი გამოცდილების მქონე ახალგაზრდა სპეციალისტი, ტურისტული კომპანია “Georgia World Travel“–ის თანადამფუძნებელი და დირექტორი, სასტუმრო „როზმარინის“ გენერალური მენეჯერი – თამარ ღონიაშვილი, რომელსაც არაერთხელ გადაეცა ჯილდო ტურიზმის სფეროში წარმატებული მოღვაწეობისთვის. კურსი მოიცავს ორ მოდულს. აღნიშნული კურსი შეგიძლიათ გაიაროთ სრულად ან აირჩიოთ თქვენთვის საინტერესო მოდული.

საქართველოში ტურიზმის განვითარების სწრაფ ტემპებთან ერთად განსაკუთრებულ მნიშვნელობას იძენს სასტუმროთა ფართო ქსელის განვითარება. თანამედროვე მოთხოვნებიდან გამომდინარე, განსაკუთრებით მნიშვნელოვანია სასტუმროს ბიზნესის სწორად წარმართვა, რათა დაინტერესებულმა პირებმა სწრაფად და წარმატებით დაიკავონ საკუთარი ნიშა მზარდ კონკურენტულ ბაზარზე. ამ მიზანს ემსახურება ჩვენ მიერ შემოთავაზებული ტრენინგები “სასტუმროს მენეჯმენტი“ და “ეფექტური მასპინძლობა და მომსახურება”. ტრენინგის მიზანია: ქართული სასტუმროების მომსახურე პერსონალის გადამზადება სასტუმროს მენეჯმენტის საერთაშორისო მოთხოვნებისა და სტანდარტების შესაბამისად, ასევე სასტუმროში დასაქმების მსურველების სრული თეორიული მომზადება. თუ თქვენ ახლა იწყებთ სასტუმრო ბიზნესს, ან უკვე გაქვთ სასტუმრო (საოჯახო სასტუმრო, „გესთ ჰაუსი“, ჰოსტელი და მსგავსი) და გსურთ შეისწავლოთ მისი ეფექტური მართვა თანამედროვე სტანდარტების შესაბამისად, გიწვევთ სასტუმროს მენეჯმენტის საკონსულტაციო შეხვედრებზე.

დაეუფლეთ პერსონალის მართვის ხელოვნებას სწრაფად და ეფექტურად!

ჩვენ მიერ შემოთავაზებული HRM კურსები მოგცემთ უნიკალურ შესაძლებლობას, უმოკლეს დოში გაერკვიოთ პერსონალის მართვის სამსახურის პრინციპებში, სწორად დაგეგმოთ და წარმართოთ ამ სამსახურის მუშაობა. ტრენინგის შედეგად შეიძენთ იმ თეორიულ ცოდნასა და პრაქტიკულ ჩვევებს, რომელიც გაზრდის თქვენს, როგორც პროფესიონალის, კონკურენტუნარიანობას სამუშაოს მაძიებელთა ფართო ბაზარზე.

საშუალო და მაღალი რგოლის მენეჯერებს, ადამიანური რესურსების მართვის სპეციალისტებს, სტუდენტებს და სხვა დაინტერესებულ პირებს გეძლევათ უნიკალური შესაძლებლობა სამსახურისგან და სწავლისგან მოუწყვეტლად:

ნებისმიერი კომპანიის ცნობადობა დამოკიდებულია იმაზე, თუ რამდენად ინფორმირებულია საზოგადოება მისი საქმიანობის შესახებ. ინფორმაციის გავრცელების ხერხები და საშუალებები კი მრავალფეროვანია. ამიტომ ყველა კომპანია ცდილობს ჰყავდეს აქტიური საზოგადოებასთან ურთიერთობის სამსახური და შესაბამისად, ამ სფეროში პროფესიონალ კადრზე მოთხოვნილება იზრდება. ჩვენი სასწავლო კურსი მიზნად ისახავს მსმენელისათვის იმ ცოდნისა და უნარ-ჩვევების მიცემას, რომელიც აუცილებელია PR-სამსახურის თანამშრომლის პოზიციაზე წარმატებული მუშაობისათვის.

სწავლება ინტერაქტიული ფორმატისაა, უზრუნველყოფილია თითოეული მსმენელის ჩართულობა ტრენინგის პროცესში; ხდება ქართული და განვითარებული ქვეყნების PR-კეისების განხილვა.

ტრენინგს უძღვება ამ სფეროში აქტიურად მოღვაწე ახალგაზრდა სპეციალისტი მარიამ ჩიტიშვილი,  რომელიც სხვადასხვა დროს მუშაობდა “კონსტიტუციის 42-ე მუხლი“, ხელნაწერთა ეროვნული ცენტრის, სარეკლამო სტუდია “ოპიოს” საზოგადოებასთან ურთიერთობის მენეჯერად, გავლილი აქვს არაერთი პროფესიული ტრენინგი.

კურსი განკუთვნილია ნებისმიერი პროფესიის პირთათვის (მათ შორის დასაქმებულთათვის), რომელთაც სურთ აიმაღლონ კვალიფიკაცია ადმინისტრაციული საქმისწარმოების სფეროში თანამედროვე მოთხოვნების შესაბამისად და ასევე დამამთავრებელი კურსის სტუდენტებისთვის, რომელთაც სურთ დაიწყონ წარმატებული კარიერა სახელმწიფო სექტორსა თუ სხვადასხვა კერძო კომპანიებში.

დღევანდელ შრომით ბაზარზე ოფისის მენეჯერი ერთ-ერთ ყველაზე მოთხოვნადი პროფესიაა. შესაბამისად, მაღალია კონკურენციაც.  სასწავლო ცენტრი ILC გთავაზობთ სასწავლო პროგრამას, რომლის გავლის შემდეგ შეიძენთ ყველა საჭირო ცოდნასა და პროფესიულ უნარ-ჩვევებს, რომელიც საშუალებას მოგცემთ გახდეთ კონკურენტუნარიანი ადმინისტრაციული მენეჯერი, რაც წარმატებული დასაქმებისა და სასურველი სამუშაოს პოვნის გარანტიაა.

საქმისწარმოებისა დოკუმენტბრუნვის სრული თეორიული და პრაქტიკული ტრენინგ-კურსი საჯარო და კერძო სამსახურების ადმინისტრაციის თანამშრომლებისთვის და მენეჯერებისთვის.

ტრენინგი განკუთვნილია ნებისმიერი პროფესიის და თანამდებობის პირთათვის, რომელთაც სურთ აიმაღლონ კვალიფიკაცია ადმინისტრაციული საქმისწარმოებისა და უდოკუმენტო მომსახურების სფეროში თანამედროვე მოთხოვნების შესაბამისად.

ტრენინგის მიზანია: თეორიული ნაწილის პარალელურად, მსმენელმა შეისწავლოს საქართველოში დღეისთვის მოქმედი საქმისწარმოების პრაქტიკული წესები და შეძლოს ნებისმიერი ტიპის დოკუმენტთან დამოუკიდებელი და კვალიფიციური მუშაობა.

გექნებათ შესაძლებლობა ისარგებლოთ კონსულტაციების ონლაინ რეჟიმით, რითაც დაზოგავთ დროსა და რესურსს.